الحب من أول نظرة !!؟؟

[X-TOP]

حسب ما شفت بهذا القسم قصص كتير عن الحب وما بعرف شو صار عندي فضول اطرح هاد الموضوع
وهو الحب من أول نظرة ...


ما مضمون هذا الحب؟

وكيف سيكون موقفك أمامه؟

هل ستحاول أن تستمر به؟؟


ماذا لو أحببت من أول نظرة واكتشفت أشياء سلبية للشخص الآخر؟؟


أعطونا رأيكم بشكل عام مو بس عن الي سألتو

احكو كل شي بتعرفوه عن هذا الحب ....


بانتظار الردود والآاراء ....

[rozetta]

اولا بعتقد انو تسمية الحب من اول نظرة غلط
لأنو المراحل الطبيعية للحب
نظرة و بعدها لفت نظر ثم اهتمام .....
و هيك ليصل الشخص لمرحلة الحب

يعني برأيي انو ما حدا هيك من نظرة بحب
بس ممكن من النظرة الاولى يبدا الاهتمام بالشخص
و بعدها بتصير المحاكمة بين العقل و القلب
و هون بيبدا طرف يطغى عالتاني حسب طبيعة الشخص
ووقتها اما الانسان بيستمر بالعلاقة و اما بيتناساها

هي بعتقد مراحل الحب الطبيعية

بتمنى كون عطيت الاجابة المطلوبة
موضوع رائع اخي
مشكور

[المشتاااااق]

صديقي

للحب قواعد لا يمكن تجاوزها


فالنظرة هي بداية إعجاب والأعجاب يولد شوق

والشوق يولد لهفة واللهفة تولد مشاعر جياشه

والمشاعر تحتاج إلى بوح والبوح يكون تقريب

للأفكار والرؤى وبالرؤى يتم التفاهم وبالتفاهم

يولد الحب

[X-TOP]

شكرا لمروركم الرائع و ردكم الصريح روزيتا أنت قصدك انو الحب من أول نظرة هو اعجاب
متل ما زكر الأخ المشتاااق .

شكرا لمروركم يا حلوين..

[Bloody Rose]

انا ممن لا يؤمن بالحب من تلك النظرة


فربما يكون اعجاب لا غير

وكم من اشخاص اعجبنا بهم وعند التقرب منهم

وجدناهم لا شيء ...!!

مع تحياتي

[X-TOP]

ههههههههههه شكلك خبرة لودي روزي ... ومارق عليكي كتير قصص حب .. ولا أنا غلطان

[منتظر الزيدي]

من شهر زمان شفت سمكة حبيتها من اول نظرة وتاني نظرة اشتريتها وتالت نظرة صارت ببطني مااطيبها

المهم
الاعجاب اكيد يبدا من النظرة قد تكون الاولى ومن بعدها يأتي الحب والعشق والهيام

[صمت الحزن]

الحب من النظرة الأولى تعبير مجازي عن حالة اعجاب لا أكثر
لكن تلك النظرة تكون جميلة لها رونقها ولها مكتنتها في حياتي
عندما أنظر تلك النظرة القاتلة لتلك الفتاة واشد لها
وتسحرني ابتسامتها ربما ايمائاتها ربما
تتكون لدي ردة فعل هي الحب من أول نظرة
أحب تلك الحالة التي تتكون لدي وتحرك مشاعري وخفقان قلبي لكن بمجرد أن تتكلم تلك الفتاة ولا يعجبني حديثها تتبدد تلك المشاعر
اذا لا وجود للحب من أول نظرة لكنها حالة من حالات الحب

[@أنا الزعيم @]

شباب هاي المشاركة الأولى لي أما بالنسبة للحب من نظرة فهدا شيء أكيد
طبعاً موضروري الإنسان يحب الشيء كامل من النظرة الأولى ممكن يحب شي معين فية
مثلاً أسلوب كلامه طريقة تعاملة مع من حولة واشياء أخرى كتير بس أكيد في حب من أول
نظرة ويمكن يكون في هناك إلتهاب مشاعر كمان

[قيصر الحب]

شكرا عا الموضوع بس ماعرفت شو بدي قلك خلينا نشوف باقي الأعضاء

[Googlesy]

ما اروع الحب وليس المفروض من اول نظرة
منيح حتى ولو كان من 3 نظرة
^__^
ولا تقولولي مافي حب من 3 نظرة

[X-TOP]

شكرا لمروركم يا غوالي وأنا برأيي أكيد مافي حب الا اذا كان في اعجاب
وهاد الاعجاب ممكن يكون من أول نظرة شكرا يا حلوين...